Bara tríggir kommunulæknar søktu

Freistin at søkja var á middegi í dag.

Tvær umsóknir vóru til kommunulæknastørvini í Suðurstreymoyar læknadømi.

Ein umsókn var til kommunulæknastarvið í Sandoynni.

Farið verður undir setanartilgongdina í næstum, sigur Egil á Bø, sum er stjóri í Heilsutrygd.

Vildu hava fleiri

Heilsutrygd søkti annars eftir 10 kommunulæknum.

Ætlanin var at fáa fýra kommunulæknar afturat í høvuðsstaðnum, tveimum í Suðuroy, tveimum í Skálarfjarðar læknadømi, einum í Sandoynni og einum í Gøtudali.