Námsvísindadeildin ikki lægri raðfesting

Námsvísindadeildin ikki lægri raðfesting
Námsvísindadeildin hevur ikki lægri raðfesting í dag, enn hon hevur havt fyrr, sigur Sigurð í Jákupsstovu, rektari á Fróðskaparsetrinum
 
08.08.2018 - 13:07

Námsvísindadeildin hevur ikki lægri raðfesting í dag enn hon hevur havt fyrr, men tað er rætt at eitt nú granskingin á deildini ikki er komin nóg langt áleiðis.

Tað sigur Sigurð í Jákupsstovu, rektari á Fróðaskaparsetrinum, eftir at næstformaðurin í Føroya Lærarafelag sigur læraraútbúgvingina vanta pening til at fremja sítt virksemi.

Læraraútbúgvingin hevur ikki lægri játtan í dag, enn hon hevði fyrr. Tað sigur Sigurð í Jákupsstovu, nú næstformaðurin í Føroya Lærarafelag, Jacob Eli Olsen, sigur seg ynskja eina hægri raðfesting til læraraútbúgvingina á setrinum. 

Fyrr var bert ein játtan til læraraútbúgvingina. Nú er tann játtanin býtt sundur, eftir at fleiri stovnar vórðu lagdir undir Setrið, men samanlagt fara framvegis millum 22 og 23 milliónir til útbúgvingina. 

Sigurð í Jákupsstovu viðgongur tó, at tað eru nøkur viðurskiftir, ið framvegis ikki eru komin endaliga upp á pláss. Eitt nú kravið um at undirvísingin skal hava støði í gransking, ið er gjørd á setrinum.

Tað eru tíggju ár síðan, at Læraraskúlin varð lagdur undir Fróðskaparsetrið. Í tí sambandi sigur Jacob Eli Olsen, at tíðin er komin at eftirmeta deildina og útbúgvingina. Hesum tekur Sigurð í Jákupsstovu undir við.

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844