37 milliónir fyri útstykking í Leitinum

Sp/f RTS Contractors í Runavík átti lægsta tilboðið, og sáttmálin kostar Runavíkar kommunu slakar 37 milliónir krónur. 

Fyrri parturin skal vera liðugur um eitt gott ár, og alt skal vera liðugt í 2020, skrivar Runavíkar kommuna á heimasíðuni.

Farið varð annars frá vinnarauppskotinum í norðurlendsku verkætlanini, tí hon bar ikki á mál. Heitt var í staðin á Ósbjørn Jacobsen arkitekt um at tekna ein býling inn í økið, sum kommunan átti. EM Ráðgeving í Saltangará fór síðan undir at neyvætla, og eftir tað varð arbeiðið boðið út.

Sp/f RTS Contractors vann, og eftir samráðingar komu partarnir ásamt um sáttmála í gjár.

Útstykkingin fer at nøkta tørvin eina tíð, men farið er longu undir at fyrireika seg til framtíðina, eftir at grundstykkini eru seld, sigur Runavíkar kommuna.