Harðligar mótmælisgongur í Rumenia

Eitt øgiligt rok var í rumenska høvuðsstaðnum, Bukarest, í gjárskvøldið. Tíggjutúsundtals fólk gingu mótmælisgongu móti sosialdemokratisku stjórnini í Rumenia. Tað skrivar DR. 

Framman fyri stjórnarbygninginum, mitt í býnum, royndu fleiri fólk at treingja seg framvið trygdarforðingunum, ið vórðu settar upp. Og fleiri kastaðu við fløskum og steinum móti politinum.  

Sambært Reuters hevur politiið í Bukarest brúkt vatnkanónir til at steðga harðligum mótmælisfólki. 

Umleið 400 fólk eru særd og fáa læknahjálp. Tað upplýsir rumenska tilbúgvingarleiðslan. 

Tey, sum stóðu aftan fyri mótmælisgongina í gjár, eru fólk, sum finnast at stjórnini, og sum tí hava búsett seg uttanlands.

Sambært felagskapinum Transparacy International er Rumenia eitt av mest korruptu londunum í ES. Men sambært mótmælisfólkunum ger sosialdemokratiska stjórnin, sum hevur sitið síðani 2016, ikki nóg nógv fyri at basa korruptiónini í landinum. 

How #Bucharest looks now with tens of thousands (the press says even 80.000+) protesting against the Government. #Romania pic.twitter.com/ZarcWF1Zpy

— Razvan-Victor Sassu (@RazvanSassu) August 10, 2018