Framherji og Næraberg keyptu alt á uppboðssøluni

Góð 10.900 tons av makreli vórðu seld fyri smáar 59 milliónir krónur, upplýsir Vørn.

Framherji keypti nógv tann størsta partin, sløk 8.800 tons fyri slakar 47 milliónir krónur.

Tað er lægsta boðið, sum sleppur upp í part, sum ásetir prísin, ið øll skulu gjalda.

Miðalprísurin fyri eitt ára rættindi var 5 krónur 80 og 4 krónur 70.

Miðalprísurin fyri trý ára rættindi var 5 krónur og 11 oyru.

Og miðalprísurin fyri átta ára rættindi var 6 krónur og 10 oyru.

Í alt varð also keypt fyri smáar 59 milliónir krónur á uppboðssøluni í dag.