Stór hernaðarvenjing í Russlandi

Umleið 300.000 russisk herfólk og 36.000 stríðsvognar og onnur hernaðarakfør taka lut í venjingini, sum skal verða í fimm dagar har eysturi í Russlandi.

Stóra venjingin hevur fingið navnið Vostok-2018, og endamálið er at kanna, hvussu venjingarstøðan er hjá russiska herinum, sigur Valerij Gerasimov, generalur við tíðindastovuna TASS.

Tað serliga við hesi hernaðarligu venjingini er eisini, at Kina er partur av henni við eini 3.200 herfólkum.