Heitasta summarið í Evropa

Summarið 2018 var tað heitasta, sum nakrantíð er mált í Evropa. Tað vísa kanningar hjá amerikanska mátingarstovninum, NOOA, sambært Ritzau tíðindastovuni.

Nooa stendur fyri National Oceanic and Atmospheric Administration.

Nooa hevur gjørt mátingar síðani 1910, og inntil í ár var heitasta summarið mált í 2003.

Júst farna summarið hevur tó tikið metið við 0,26 (celsius) stigum. 

Hetta var eisini fyrstu ferð nakrantíð, at hitin teir tríggjar summarmánaðirnar lá meira enn tvey stig oman fyri samlaða miðalhitan í Evropa. 

Og tað er ikki bara í Evropa, at fólk hava merkt hitan í ár, tí summarið 2018 í Suður-korea var tað heitasta síðani 1973, skrivar Ritzau.