Bjóða Puigdemont vælkomnum til Føroya

11.10.2018 - 14:11

Innlendis›Politikkur

Floksformenninir siga allir við ein munn, at fyrrverandi katalonski forsetin er vælkomin í Føroyum, men ikki allir fara at heilsa upp á hann

Rólant Waag Dam

0 seconds of 0 secondsVolume 90%

00:00

Umframt Høgna Hoydal, formann í Tjóðveldi, sum hevur boðið Carles Puigdemont til Føroya, eru Poul Michelsen í Framsókn og Jenis av Rana í Miðflokkinum rættiliga positivur um vitjanina hjá fyrrverandi katalonska leiðarinum. Teir, sum eru mest ivasamir, eru Bárður á Steig Nielsen úr Sambandsflokkinum og Jógvan Skorheim úr Sjálvstýri.

Útvarpið hevur spurt allar floksformenninar, hvat teir halda um, at Carles Puigdemont kemur til Føroya, og um teir fara at heilsa upp á mannin.