Italskir myndugleikar taka støðu til Puigdemont í dag

24.09.2021 - 08:53
AktueltÚtheimurin
Italskir myndugleikar taka støðu til Puigdemont í dag
Fyrrverandi katalonski forsetin varð handtikin í gjárkvøldið, tá hann kom til Sardinia
Carles Puigdemont varð handtikin í Italia í gjárkvøldið.
 

Fyrrverandi katalonski forsetin, Carles Puigdomont, varð handtikin í gjárkvøldið, tá ið hann lendi í Alghero í Sardinia,  fýra ár eftir, at hann flýddi úr Spania.

Ein dómstólur í Sassari í Sardinia fer væntandi seinni í dag at taka støðu til, um Puigdemont skal latast leysur ella latast Spania, har hann er skuldsettur fyri uppreistur og at eggja til uppreistur.

Hann flýddi úr Spania, eftir at ein spanskur grundlógardómstólur hevði staðfest, at fólkaatkvøðan í Katalonia í 2017 um loysing og fráboðanin um loysing vóru ólóglig. 

Puigdemont hevur búð í Belgia síðani.

Sambært sponskum miðlum, ger Italia eftir boðum frá spanska hægstarætti.

Misti órinið

Puigdemont var limur í ES-tinginum, men misti órinið í vár eftir eina atkvøðugreiðslu í ES-tinginum. Men løgfrøðiliga er málið ikki heilt avgreitt, skrivar AFP.

Tveir aðrir tinglimir, Antoni Comin og Claru Ponsati, eru eisini skuldsettir í málinum.

Níggju aðrir katalonskir politikarar og aktivistar, sum ikki fóru í útlegd, vórðu í 2019 dømdir harða fongsulsrevsing fyri m.a. at hava eggjað til uppreistur. Harðasta revsingin var 13 ára fongsul.

Hesi níggju fingu grið í juni.

Myndugleikarnir í Spania boðaðu tá frá, at landið áhaldandi fer at arbeiða fyri at Puigdemont skal takast og latast Spania. 


 

Er kopiera
Nýggjastu sendingar í ÚV
Leygardag 28. mai
Morgunlestur leygardagur 28.mai 2022
139982
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968