Søkir eftir níggju kommunulæknum til fimm dømi

Heilsutrygd søkir eftir kommunulæknum til stívliga 16.000 fólk.

Søkt verður eftir níggju læknum til fimm læknadømi.

Søkt verður eftir einum lækna til Norðoya læknadømi og einum í Fuglafjarðar læknadømi, tað er í Gøtudali.

Í Suðurstreymi eru trý størv at søkja, tvey í Miðlon og eitt á Rrúutrøð.

Í Suðuroyar læknadømi eru tvey kommunulæknastørv leys at søkja, annað á Tvøroyri og hitt í Vági. 

Í Skálafjarðar læknadømi eru tvey størv, annað er í Heilsudeplinum í Runavík, og hitt er fyribils í viðtaluni á Strondum.

Tá koyrandi er um Skálafjørðin, verða allir læknarnir at í Heilsudeplinum, sigur Heilsutrygd. 

Freistin at søkja er 7.desember

Fólk skulu setast í leysu kommunulæknastørvini 1.februar næsta ár, ella eftir nærri avtalu við Heilsutrygd.

Freistin at søkja kommunulæknastørvini er á middegi 7.desember.

Størvini verða lønt sambært avtalu millum Heilsu- og Innlendismálaráðið og Kommunulæknafelagið, og sambært sáttmála millum Heilsutrygd og Kommunulæknafelagið.

Í morgin verður almenn móttøka í býráðssalinum í Klaksvík, tí Magnus Magnussen fer frá sum kommunulækni.

Magnus Magnussen byrjaði í starvi sum kommunulækni í Norðoya læknadømi í februar 1995.