Kommuna rindar sakførararokning um dupultmandatið

Tvøroyrar kommuna hevur goldið góðar 6.000 kr. til advoktafelagið Sókn, sum kannaði rættin hjá borgarstjóranum, Kristini Michelsen, at vera bæði borgarstjóri og løgtingslimur.

Rokningin varð send 7.november.

Meirilutin í býráðnum á Tvøroyri undrast um hetta, tí kommunan hevur ikki biðið um hesa kanningina.

Borgarstjórin hevur sjálvur biðið um hana og eigur tí eisini at gjalda hana sjálvur, heldur meirilutin.

Sambært kommunustýrislógini eigur borgarstjórin at síggja til, at neyðug ummæli verða fingin til kommunustýrisfundir. 

Borgarstjórin eigur eisini sambært somu lóg at ansa eftir, at farið verður fram eftir samtyktum kommunustýrisins. 

Býráðið á Tvøroyri hevur samtykt, at Kristin Michelsen skal vejla millum at vera borgarstjóri ella tingmaður.

Hann hevur ikki boðað frá, at hann hevur gjørt tað.