Leiting í Gøtuvík steðgað: Eingin funnin

Um hálvgum níggju tíðinda í morgun sóu fólk í Syðrugøtu okkurt, sum minti um eina neyðrakett á leiðini móti Gøtunesi og Borðoyanesi. MRCC-støðin setti leiting í verk beinanvegin.

Bátar, ið vórðu staddir har á leiðini fóru at leita beinanvegin, og bjargingarbáturin Ziska fór eisini at leita.

Eisini tyrlan varð sett inn í leitingina.

Um 11-tíðina fyrrapartin varð leitingin avblást, uttan at nakað var funnið.

- Eingin hevur biðið um hjálp, og eingin er saknaður. Klokkan 11 høvdu vit leitað alt økið ígjøgnum fleiri ferðir, og valdu tí at steðga leitingini, upplýsir vakthavandi á MRCC-støðini.

Tá leitingin varð avblást høvdu eisini Brimil og Vædderen sett kós móti Gøtuvík.