- Tíðindi, mentan og ítróttur
TB mundi koppað Fleyr
TB mundi koppað Fleyr
Sensatiónin lúrdi eina løtu í meistaradeildsdystinum í dag millum Fleyr og TB. Fleyr-kvinnur fóru tó avstað við sigrinum enn eina ferð
Savnsmynd.
19.01.2019 - 16:00
Ein dystur hevur verið í meistaradeildini hjá flogbóltskvinnum í dag, tá Fleyr og TB hittust í Høllini á Hálsi.
Fleyr-kvinnurnar, sum hava vunnið allar sínar dystir í ár, fingu ein skarpan gang frá tvørákvinnum.
TB legði seg á odda 2-0, áðrenn Fleyr-kvinnurnar ordiliga komu inn aftur í dystin og fingu vent gongdini í dystinum.
Í fimta og avgerandi settinum gekk eisini akkurát hjá Fleyr, sum vann síðsta settið 15-13.
Settúrslitini vóru:
19-25, 23-25, 25-18, 25-15 og 15-13.
Er kopiera
Nýggjastu sendingar í ÚV
Nýggjastu sendingar í SV
