Advokatur: Kristina Háfoss er ógegnig

Norðoya Sparikassi vil sleppa undan krøvunum, sum verða sett fyri at verða SIFI-banki, ið ikki kann fara á húsagang.

Kristina Háfoss, landsstýriskvinna í fíggjarmálum, skal gera eitt tilmæli til danskar myndugleikar, og nógv bendir á, at Norðoya Sparikassi sleppur undan krøvunum.

John Danielsen er nevndarformaður í Norðoya Sparikassa, og hann er pápi Kristinu Háfoss.

Tað ger, hon er ógegnig í hesum málinum, sigur Kristina Samuelsen, advokatur. 

Í evsta føri ger løgmaður av, um mál skulu takast frá einum landsstýrisfólki fyri ógegni.