LSH: Fáa hálva millión í part at listprýða bygning

Tilgongdin at listprýða nýggja H-bygningin á Landssjúkrahúsinum hevur verið heldur øðrvísi enn vanligt.

Sáttmáli varð gjørdur við trý listarfólk um at listprýða bygningin, áðrenn bygningurin varð liðugur.

 Vit halda, at tað hevur størri møguleika at implimentera [red. listina] í bygningin - eisini brúkaran, sigur Bárður Dam í Baianstovu, arkitektur hjá Landsverki og limur í listarbólkinum.

Sáttmáli er skrivaður við Guðrið Poulsen, Sigruna Gunnarsdóttir og Javier Tapia.

Í teimum trimum sáttmálunum bindur Landsverk seg til at rinda listarfólkunum 550.000 krónur + MVG í part; men einki ítøkiligt stendur um, hvat landið fær afturfyri.

Tað merkir ikki, at listarbólkurin ikki veit, hvat hann fær afturfyri.

Listarbólkurin hevur síðani verið í tøttum samskifti við hvørt listarfólk í eini roynd at ítøkiliggera, hvørji listarverk skulu gerast til bygningin.

Sí alla sendingina Lyst