Kostnaðurin ikki endaligur enn

Framvegis veit eingin, hvussu nógv, skúladepilin í Marknagili fer at kosta.

Eingin verklagslóg hevur verið galdandi fyri skúladepilin í Marknagili síðani á nýggjárinum.

Men nú er uppskot um nýggja lóg komin í løgtingið. Lógin er galdandi til 31. desember í ár.

Arbeiðið hevur tó hildið fram í ár, tí arbeiðast kann fyri upp til tíggju milliónir krónur uttan verklagslóg.

Pengar í fíggjarlógini

Og pengar eru í fíggjarlógini fyri 2019. Har eru 14,4 milliónir krónur.

Fyribils vanta 46 milliónir krónur í, at arbeiðið er liðugt. Landsverk er ikki liðugt við endaligu uppgerðina.

Í fjør vórðu brúktar góðar 14 milliónir krónur í heimildarloysi, sigur Mentamálaráðið.

Eitt uppskot um eykajáttan til arbeiði, sum eftir røttum áttu at verið við í upprunaligu verkætlanini, kemur seinni, sigur Mentamálaráðið eisini.