Kári gevst: Eysturoyartunnilin er størsta avrikið

Í 18 ár hevur hann verið løgtingsmaður, men nú hevur Kári P. Højgaard, tingmaður fyri Sjálvstýri, boðað frá, at hann stillar ikki uppaftur.

Kári P. Højgaard var eitt skifti eisini landsstýrismaður og setti tá sjøtul á verkætlanina um Eysturoyartunnilin.

Fasta sambandið inn á Skálafjørðin hevur verið hansara hjartamál, og at Eysturoyartunnilin er vorðin veruleiki, er størsta avrikið, heldur Kári P. Højgaard sjálvur.