Neistin hevur sett nýggjan venjara

Neistin hevur í dag kunngjørt nýggja venjaran.

Tað verður 28 ára gamli, Mads Rydal Nielsen, ið tekur við starvinum, nú Jeppe Borch, sum var venjari hjá Neistanum í tvey ár, hevur takkað fyri seg.

Nýggi høvuðsvenjarin hjá Neistanum hevur millum annað verið venjari hjá SUS Nyborg, sum spælir í triðbestu hondbóltsdeildini í Danmark.

Mads Rydal Nielsen hevur sjálvur spælt fyri Nyborg í næstbestu donsku deildini, men ein skaði steðgaði yrkisleiðini.

Sáttmálin millum Neistan og Mads Rydal Nielsen er galdandi fyri 2019 og 2020.