Sí upptøkuna: Soleiðis sær Føroyingahavnin út nú

Føroyingahavnin í Grønlandi – ið er umleið 50 kilometrar sunnan fyri Nuuk – sum einaferð var inntøkugrundarlagið hjá nógvum føroyingum, hevur sæð sínar bestu dagar.

Kringvarpið hevur í løtuni tvey fólk í Grønlandi, sum gera upptøkur til eina sjónvarpssending, ið verður víst í heyst. Upptøkufólkini hava eisini verið og vitjað í Føroyingahavnini.

Í dag er lítið og einki gott eftir av Føroyingahavnini, har tað einaferð í tíðini vóru 35 bygningar, við sjómansheimi, sjúkrahúsi og smiðjur, sum tað sæst í upptøkuni omanfyri her.