Fólkatalið vaks yvir 20 prosent í morgun

Ferðafólkini eru 3.030, og í manningini eru 1.167 fólk. Nevnivert er, at 100 ferðafólk eru í koyristólum. Skipið, sum kom á Havnina í morgun, er millum størstu skip, sum hava verið her.

Skipið, sum er enskt, er 290 metrar langt og 116.000 bruttotons. Ventura er tó ikki longsta skip, sum hevur verið á Havnini. Tað longsta er 294 metrar langt.

Til samanberingar kann nevnast, at Norrøna er 168 metrar long og Smyril er 138 metrar langur. Ventura kemur úr Southampton og fer til Akureyrar klokkan fimm seinnapartin.