Seljarin skal hava boðini fyrst

Men hvussu nógv tilboð eru komin, ella, um nakað tilboð yvirhøvur er komið, fæst ikki at vita enn. Birita S. Samuelsen, advokatur, sum stendur fyri søluni, sigur, at seljarin skal fyrst hava boðini, og hann hevur ikki fingið tey enn.

Seljarin er Uttanríkis- og Vinnumálaráðið. SÓKN advokatar, har Birita S. Samuelsen arbeiðir, stendur saman við Hammer Consulting fyri søluni.

Ætlanin er at avgreiða søluna um miðjan juli í ár, segði Uttanríkis- og Vinnumálaráðið fyri einum mánað síðani. 

Seld í einum 

Partapeningurin, sum er til sølu, er 43 milliónir krónur. Partabrøvini vórðu lýst til sølu undir einum. Tað bar tí bara til at bjóða upp á partabrøvini samlað. 

Men Óðinshædd 2 í Havn, sum er høvuðssætið hjá Posta, kann seljast fyri seg. Landið hevur eina einskiljingarnevnd. Í henni eru løgmaður og landsstýrisfólkini í vinnumálum og fíggjarmálum.

Í sambandi við Posta er eisini ein arbeiðsbólkur við embætisfólkum. Tey umboða nevndina í Posta, Posteftirlitið, Løgmansskrivstovuna og Uttanríkis- og Vinnumálaráðið.