Nógv verri dálking frá flogferðslu

Tað vísir ein nýggj kanning, sum International Council on Clean Transportation hevur gjørt.

The New York Times skrivar, at nýggju forsøgnirnar siga, at skaðiligu útlátini frá altjóða flogferðslu kunnu vaksa meira enn hálva-aðru ferð skjótari, enn ST annars hevur mett.

ST hevur í síni forsøgn sagt, at tey umleið 900 milliónir tonsini av CO2, sum flogferðslan dálkaði í 2018, verða trífaldað í 2050. 

Setir trýst á altjóða myndugleikar

Men nýggja kanningin sigur altso, at hugurin at ferðast veksur so nógv, at dálkingin fer at vaksa upp móti hálvaaðru ferð skjótari enn metingin hjá ST sigur.

Nýggja og dapra forsøgnin setir trýst á altjóða loftferðslumyndugleikar, sum skulu hava fund á hægsta stigii næstu viku.

– Trupulleikin við flogferðslu og veðurlagsbroytingum er verri enn nakar hevur hildið. Gamaní, gagnnýta nýggj flogfør orkuna betri nú, men alt hatta verður køvt av eftirspurninginum, sigur Brandon Graver, sum stóð á odda fyri nýggju kanningini, við The New York Times.