Lars Olsen gevst

Lars Olsen gevst sum landsliðsvenjari á nýggjárinum, tá sáttmáli hansara við Fótbóltssamband Føroya gongur út. Tað kom fram á tíðindafundi fyri lítlari løtu síðani.

– Eg ásanni, at menningin hetta seinasta árið ikki hevur verið nøktandi. Tað segði hann millum annað á tíðindafundinum í morgun.

Seinastu dystirnir hjá Lars Olsen, sum venjari fyri A-landsliðið hjá monnum, verða sostatt heimadystirnir ímóti Rumenia og Malta og útidystirnir ímóti Norra og Svøríki.

Lars Olsen hevur verið venjari hjá føroyska fótbóltslandsliðnum í átta ár.