Hernaðarløgreglan skal standa ímillum

- Deildirnar eru í Manbij, sum er í økinum millum sýriskar deildir og turkiskar deildir. 

Russiska verjumálaráðið sigur í fráboðan, at talan er um deildir hjá hernaðarløgregluni, og uppgávan hjá hesum deildum er at standa í millum báðar herarnar, sum nú berjast um valdið í økinum. Samstundis boðar amerikanska verjan frá, at hon er farin úr økinum. 

Í Manbij búgva 100.00 fólk. IS hevði valdið í býnum til kurdar við stuðli frá USA í 2016 gjørdu innrás og tóku býin.

Amerikanarar høvdu støð í økinum, men mánadagin boðaðu teir frá, at teir vóru farnir úr økinum. Tað tykist, sum um amerikanarar ikki høvdu stundir ella møguleika at rudda upp eftir sær, tí nógv útgerð stendur eftir, skrivar NRK.

Russiska verjumálaráðið upplýsti í gjár, at russisku deildirnar nú hava gjørt eftirlitsstøðir saman við sýriska herinum í Manbij.