Plátubarrin

TEMAPLÁTAN 40 ár: 'Kim Wilde', Kim Wilde, 1981
18-12-2021
Við frumplátu síni tók Kim Wilde heimin sum ein ódn. Mest vóru tað løgini, 'Kids In America' og 'Chequered Love', ið ungdómarnir tóku til sín.

Stutt eftir útgávu á jóansøku í '81 tendraði amerikanska sjónvarpsrásin, MTV, sendaran og eisini tað hevði týdning. Hon bar seg væl á sjónbandi og fekk nógvar fjepparar, ikki minst mannligar.

Plátuhúsin er svartur við Kim Wilde fremst í myndini ílætin eina hvíta t-skjúrtu og í cowboybuksum. Aftanfyri hana síggjast tríggir menn í svørtum. Tað er tann sokallaði kápubólkurin, ella promotionbólkurin, ið var mannaður við beiggjanum, Ricky Wilde, gittaristinum, James Stevenson, og tangentspælaranum, Calvin Hayes, ið var unnasti hennara í eina tíð og sum seinni í 80'unum spældi við Johnny Hates Jazz. James Stevenson er rokkgittaristur og hevur eisini spælt í bólkum sum The Cult og The Alarm.

Hasir vóru eisini á ljóðsporinum til plátuna, men mestapartin av tónleikinnuminn innspældi ein samanspældur tónleikabólkur, The Enid, ið bæði hevur verið kallaður 'progressivur' og 'symfoniskur'. Og vit kunnu lættliga kalla hesa Temaplátun 'New Wave', ið stutt kann lýsast sum punkrokkur við synthezisara og kærleiksyrkingum.

40 ára minni í Plátubarrini 18.12.2021

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
TEMA 40: 'Pyromania', Def Leppard, 1983 + eykalag
Talan er um næstmest keypta albumið hjá Def Leppard, sum nú er 40 ár. MTV sjónvarpsrásin var longu byrjað at senda Def Leppard og vaks um hetta í samband við 'Pyromania'.
21-01-2023
TEMAPLÁTAN 14.1.23: 'Voulez-Vous', ABBA, 1979
Útgávan verður mangan nevnd diskoplátan hjá Abba. Kend hitt eru: 'Does Your Mother Know', 'I Have a Dream', 'Chiquitita', 'Voulez-Vous', og 'If It Wasn't For The Night'.
15-01-2023
TEMAPLÁTAN: 'Slip of the Tongue', Whitesnake, 1989
Tann seinasta í eini røð við Whitesnake-útgávum, sum stór undirtøka var fyri. Størstu samtíðarhittini vóru: 'Fool For Your Loving '89' og 'The Deeper the Love'.
07-01-2023
TEMAPLÁTAN: 'Eftir Klaksvíksvegnum', Steintór Rasmussen, 2021
Øll 12 løgini. Talan er um samrøðusending, her Steintór greiðir frá løgunum og hugleiðir um evni, ið geva honum íblástur. 'Góð góð góð' og 'Títt smíl' eru tvey nógv spæld løg.
31-12-2022
TEMA: Søgan um Eyðbjørn og 'Tey av Kamarinum'
Eyðbjørn av Kamarinum greiðir frá lívi sínum við atliti til tónleikabólkin, 'Tey av Kamarinum', har hann var við øll árini. Í sendingini verða løg spæld frá 1959 til 2005.
31-12-2022
TÁTTUR: Størstu landaplágurnar hjá Laid Back
'Sunshine Reggae', 'Bakerman', 'Maybe I'm Crazy', 'High Society Girl', 'White Horse', 'One Life', 'Elevevator Boy', og eykalagið, 'Cocaine Cool'.
26-12-2022
TEMAPLÁTAN: 'Grease', John Travolta & Olivia Newton-John, 1978
Partvíst minnissending um Oliviu Newton-John, sum doyði í 2022. Vit hoyra hana einsamalla og saman við John Travolta, eins og 'Sha-na-na' spælir fleiri løg í sendingi
26-12-2022
TEMAPLÁTAN: Born in the USA, Bruce Springsteen, 1984
Tað mest selda albumið hjá The Boss, ið var plettskot í níggju londum. Umframt heitislagið eru 'Dancing in the Dark', 'Cover Me', 'I'm Going Down', og 'I'm On Fire' kend løg.
17-12-2022
TEMAPLÁTAN: Let's Dance, David Bowie, 1983
Mest selda Bowie albumið. Heitislagið var eisini eitt tað mest spælda lagið av øllum í fýrsunum. Onnur kend løg á útgávuni eru: 'China Girl', 'Modern Love', og 'Cat People'.
10-12-2022
Rani Nolsøe: Nýggjur jólasangur og hugleiðing um yrkingini
'Í nátt falla flykrur' er heitið. Rani Nolsøe skrivaði lagið til hesa yrking hjá Sólrun Michelsen, skaldi. Rani Nolsøe og Ingibjørg Hansen syngja. Plátubarrin 3. desembur 2022
05-12-2022
PLÁTUBARRIN: Táttur til minnis um Christine McVie úr Fleetwood Mac
Christine McVie doyði tann 30. novembur 2022. Hon var tangentspælarin í enskt-amerikanska bólkinum, Fleetwood Mac, ið eisini sang og skrivaði fleiri av kendastu løgunum.
03-12-2022
TEMAPLÁTAN 25: 'Aquarium', Aqua, 1997
Tann mest selda útgávan, sum danir ella norðmenn hava gjørt. Á hesum frumalbum hjá Aqua eru trý bretsk plettskot. Stílurin er 'eurodance' og størsta hittið var 'Barbie Girl'.
03-12-2022