- Tíðindi, mentan og ítróttur
Plátubarrin
Í nátt falla flykrur
Í nátt falla flykrur
sum friður av himni
tær leggjast á runnar og trø
og heimurin svevur
og flykrurnar dala
á tekjur og burturgoymd støð
í fjarløgdum landi
har hirðarnir gingu
og stjørnurnar lýstu so bjart
har føddist ein kongur
í fátækum fjósi
har var hvørki skrúð ella skart
ein bjarging til okkum
sum ganga í myrkri
og skilja ei kærleikans makt
sum flykrurnar kom hann
so einskærur reinur
og einglar um hann hildu vakt
í nátt falla flykrur
sum friður av himni
og kavin seg hvítt hevur lagt
nú jólini koma
og heimurin svevur
og einglar um hann halda vakt
Orð: Sólrun Michelsen
Lag: Rani Nolsøe
Upptøka: Introvers
Sangur: Rani Nolsøe og Ingibjørg Hansen
Akk gittar: Rani Nolsøe
Trummur: Brandur Jacobsen
El gittar, bas, klaver, orgul: Hans Poulsen
El gittar solo: Eyðun Ranason Nolsøe