- Tíðindi, mentan og ítróttur
Plátubarrin
Nýggjur, sum komponistur og gittaristur í Whitesnake, var hollendski Aadrian van den Berg, ið tó ikki fekk spælt á plátuni, tí hann meiddi sær skøvningin. Fyri hann spældi tann navnframi Steve Vai.
Gittaristurin, John Sykes, og sangarin, David Coverdale, vóru høvuðsmenn í gerðini av plátuni frammanundan, '1987', sum er bólksins nógv best umtókta útgáva, har annar gittaristur, Vivian Campbell, spældi við á einum lag. Og tá Coverdale hevði givið John Sykes durafjórðingin, helt Campbell fram sum konsert- og høvuðsgittaristur. Men eisini Aadrian van den Berg var so smátt blivin partur av Whitesnake.
Hóast lagskrivingin til Slip of the Tongue var byrjað, kom tað ongantíð so langt sum at Vivian Campbell innspældi eina heila plátu við Whitesnake, tí hann og David Coverdale megnaðu ikki at semjast og hann fór víðari í lívinum. Hvat teir neyvt vóru ósamdir um, kann vera ilt at meta um, tí 'innan-Whitesnake' ósemjan var upprunaliga eitt stríð millum konur Coverdals og Campbells. Men í øllum førum stakk hann av.
Plátubarrin 7. januar 2023