- Tíðindi, mentan og ítróttur
Skal verða lættari hjá útlendingum at arbeiða í Føroyum
<div>Tað eigur at gerast lættari hjá útlendingum at fáa arbeiði í Føroyum.</div><div><br></div><div>Búskaparráðið mælir til at gera tað lættari hjá fólki úr øðrum londum enn Norðurlondum at koma til Føroya at búgva og arbeiða.</div><div><br></div><div>Búskaparráðið vísir á, at OECD, felagsskapurin fyri búskaparligum samstarvi og menning, eisini hevur mælt til at gera eina smidligari skipan í Føroyum. Lítil og landafrøðiliga avbyrgd samfeløg hava brúk fyri so nógvari tilflyting sum gjørligt, tí brúk verður fyri arbeiðsmegi í framtíðini, sigur Búskaparráðið.</div><div><br></div><div>Vandin fyri, at fólk, sum flyta til Føroya, fara at gera sær dælt av almannaveitingunum her er ikki stórur, heldur Búskaparráðið. Tí slíkar veitingar eru størri í grannalondunum. Vandi er heldur ikki fyri størri arbeiðsloysi í Føroyum. Fyrst og fremst faklærd fólk fara í onnur lond at arbeiða. Og í Føroyum er trot á faklærdari arbeiðsmegi. </div><div><br></div><div>Búskaparráðið mælir til, at Føroyar fáa sær somu skipan sum Svøríki fyri at fáa fólk hendanvegin at arbeiða. Í Svøríki skulu fyritøkur lýsa størv leys í fjølmiðlum í minsta lagi 10 dagar, áðrenn ein útlendingur fær starvið. </div><div><br></div><div>Harafturat skulu vanligir sáttmálar og aðrar reglur á arbeiðsmarknaðinum haldast. </div><div><br></div><div><i>Mynd: Thomas Dam, formaður, legði nýggjastu frágreiðingina frá Búskaparráðnum fram hósdagin </i></div>
