- Tíðindi, mentan og ítróttur
Vágatunnilin kostar 18,5 mió. kr. um árið at reka
<p>Vágatunnilin hevur seinastu fýra árini kostað 18,5 milliónir krónur um árið at reka. Av hesum eru 12 milliónir avskrivingar. Rentukostnaðurin er ikki íroknaður, men hann hevur seinastu fýra árini verið í miðal 2,5 milliónir krónur.</p><div><br></div><div>Kári P. Højgaard, landsstýrismaður, upplýsir í einum svari til fyrispurning frá Jenisi av Rana, løgtingsmanni, at inntøkurnar hjá Vágatunlinum seinastu fýra árini hava ligið um 22 milliónir krónur um árið í miðal.</div><div><br></div><div>Raksturin av Norðoyatunlinum seinastu fýra árini hevur kostað góðar 20 milliónir krónur um árið. Av hesum eru 11, 6 milliónir avskrivingar. Rentukostnaðurin hesi árini hevur verið góðar 5 milliónir krónur um árið. </div><div><br></div><div>Inntøkurnar hjá Norðoyatunlinum seinastu fýra árini hava verið 26,4 milliónir krónur í miðal um árið.</div>
