- Tíðindi, mentan og ítróttur
ES rindar 1,6 mia. fyri ráevni í Grønlandi
<div>Arbeiðarafeløgini í Grønlandi fegnast um avtaluna sum Grønland og ES hava gjørt um ráevnini í grønlendsku undirgrundini.</div><div><br></div><div>Og formaðurin í SIK, Jess G. Berthelsen, sigur seg vóna, at íløgur verða gjørdar í Grønlandi, sum kunnu tryggja grønlendsk arbeiðspláss.</div><div><br></div><div>- Tað er eitt stórt framstig, at ES hevur bundið seg til at nýta teir sáttmálar, sum eru galdandi í Grønlandi, sigur Jess G. Berthelsen.</div><div><br></div><div>Í eini fráboðan, eftir at samstarvsavtalan varð undirskrivað, stendur, at ráevnini í grønlendsku undirgrundini hava stóran týdning fyri ES. Sambært avtaluni skal ES rinda Grønlandi 218 millónir evrur, ella umleið 1,6 milliardir krónur í okkara peningi, tey næstu seks árini.</div><div><br></div><div><b>Kappast við Kina</b></div><div><br></div><div>Við avtaluni fer ES at leggja seg út í kappingina um ymsu ráevnini, sum bert Kina hevur víst áhuga fyri.</div><div><br></div><div>Eisini formaðurin í Grønlendska Arbeiðsgevarafelagnum, Brian Buus Pedersen, fegnast um, at ES nú av álvara vísir ráevnunum í grønlendsku undirgrundini áhuga.</div><div><br></div><div>Samstarvsavtalan varð undirskrivað av Kuupik Kleist, landsstýrisformanni, og ES-nevndarliminum, Antonio Tajani.</div><div><br></div><div>Ætlanin er at ein verulig avtala skal undirskrivast seinni í ár, sigur Kuupik Kleist við grønlendska kringvarpið.</div><div><br></div>
