Kollveltingin í Egyptalandi heldur fram

Nývaldi forsetin sigur, at hann er forseti fyri alla tjóðina, hóast hann hoyrir til Muslimska Brøðralagið

Mohamed Mursi, nýggi forsetin í Egyptalandi, sigur, at hann er forseti fyri alla tjóðina.

25.06.2012 - 11:41

<p>Nývaldi forsetin í Egyptalandi, Mohamed Mursi, mælir landsmonnum sínum til at savnast eftir valstríðið upp undir forsetavalið, sum hevur spjatt tjóðina.</p><div><br></div><div>- Eg vil vera forseti fyri allar egyptar, lovaði Mursi í síni fyrstu sjónvarpsrøðu síni fáar tímar eftir, at tað var varð kunngjørt, at hann vann forsetavalið.</div><div><br></div><div>Mursi, sum hoyrir til Muslimska Brøðralagið, fekk 52 prosent av atkvøðunum. Hann vann seinna valumfar á fyrrverandi forsætisráðharranum, Ahmed Shafiq.</div><div><br></div><div>Mursi segði, at stríðið er ikki av enn:</div><div><br></div><div>- Kollveltingin heldur fram, til øll krøv eru eftirlíkað, sigur nýggi forsetin.</div><div><br></div><div>Nógv av teimum ungu, sum gingu á odda í stríðnum, sum endaði við, at Hosni Mubarak legði frá sær sum forseti, halda lítið um, at valið stóð millum Mursi og Shafiq. Hvørgin teirra umboðar kollveltingina, ljóða atfinningarnar.</div><div><br></div><div>Men í fyrstu røðu síni rætti nýggi forsetin hondina út til øll í egyptiska samfelagnum.</div><div><br></div><div>- Eg heiti á tykkum, egyptar, um at styrkja okkara tjóðskaparligu eind, segði Mursi í røðuni. </div><div><br></div>