Hermann Samuelsen nýggjur tingmaður fyri Sambandsflokkin

- Gerandisdagurin hjá mær er nógv broyttur, nú eri løgtingsmaður.

Tað sigur 24 ára gamli Hermann Samuelsen, sum í dag hevur tikið sæti í løgtinginum fyri Sambandsflokkin, eftir at Anna Falkenberg er farin í farloyvi frá løgtinginum til at røkja fólkatingssessin.

Hoyr samrøðu við Hermann Samuelsen í útvarpstíðindunum:

Anna Falkenberg gjørdist varafólk fyri flokkin, eftir at Bárður á Steig Nielsen og Eyðdis Hartmann Niclasen fóru í landsstýrið.

Hon hevur biðið um farloyvi til at røkja fólkatingssessin fyri flokkin. Hermann Samuelsen, sum er nummar 10 hjá flokkinum, tók sostatt sæti í løgtinginum í dag.

Hann fekk 258 atkvøður til løgtingsvalið.