Lafayette verður í Føroyum um tvær vikur

Skipið er seinkað nakað, men er nú okkara megin ekvator á veg til Føroya úr Kyrrahavinum, sigur Ludvík við Stein, umboðsmaður hjá Lafayette

Lafayette er á veg til Føroya.

Høgni Djurhuus

Grækaris Djurhuus Magnussen

27.07.2012 - 14:00

<div>Lafayette fór ikki gjøgnum Panamaveitina, men suður um Suðuramerika. Skipið kemur fyrst á Skálafjørðin, tí Fiskiveiðueftirlitið skal góðkenna innvigingar-skipanina og fylgisveina-eftirlits-skipanina umborð. Og Fiskiveiðueftirlitið skal eisini hava eygleiðarar umborð. </div><div><br></div><div>Lafayette kann taka í móti 1500 tonsum av makreli um samdøgrið. </div><div><br></div><div><b>Eisini onnur móttøkuskip</b></div><div>Annað móttøkuskipið, sum Thor hevur fingið forhonds-tilsøgn um, Kai Yu úr Kina, er um at vera komið í føroyskan sjógv. Kai Yu fór úr Las Palmas fyri einari viku síðani. </div><div><br></div><div>Fiskiveiðueftirlitið skal eisini góðkenna tað skipið, áðrenn tað fær loyvi at taka í móti makreli frá føroyskum skipum.</div><div><br></div><div>Umframt tey trý útlendsku skipini, hava seks føroysk skip fingið loyvi at taka móti makreli og flyta hann til lands ella virka hann umborð. Tey eru Høgaberg, Atlantsfarið, Farið, Næraberg, Saksaberg og Slættaberg. </div><div><br></div>