- Tíðindi, mentan og ítróttur
Vil hava umvælingina av ellisheimi á fíggjarlógina
<p>Eivin Jacobsen, løgtingsmaður fyri Sambandsflokkin, vil nú hava at vita, hvussu nógv tað fer at kosta at umvæla ellis- og avlamisheimið í Vágum. Stýrið fyri heimið heitti í 2007 á Landsverk um at gera ein støðumeting av bygninginum, sum nú hevur 40 ár á baki. </p><div>Eivin Jacobsen spyr Kára P. Højgaard, landsstýrismann, sum varðar av viðlíkhaldinum av almennum bygningum, hvussu nógv umvælingin verður mett at kosta, hvussu nógvur peningur er brúktur, og hvussu nógv verður brúkt í ár og næstu árini.</div><div><br></div><div><b>Beinleiðis á fíggjarlógina</b></div><div><br></div><div>Eivin Jacobsen sigur, at vísir kostnaðarmetingin, at tað tekur fleiri ár at umvæla ellis- og avlamisheimið, eigur umvælingin at koma beinleiðis á fíggjarlógina. Tí eingin kann góðtaka, at heimið verður eitt byggipláss í fleiri ár, um bert nakrar fáar krónur verða játtaðar til viðlíkahald, sigur hann. </div><div><br></div><div>Landsstýriskvinnan í almannamálum hevur boðað frá, at ætlanin er at leggja eldraøkið út til kommunurnar í 2014, men hvussu útreiðslubýtið verður millum land og kommunur, og avhending av bygningum er ikki greitt enn.</div><div><br></div><div><b>Vilja ikki yvirtaka bygningin</b></div><div><br></div><div>Kommunurnar í Vágum hava boðað frá, at tær hava ongan áhuga at yvirtaka ellis- og avlamisheimið í Vágum í tí standi, bygningurin er. Eivin Jacobsen spyr tí Kára P. Højgaard, um hann kann veita kommununum í Vágum trygd fyri, at ein dagførdur bygningur verður avhendaður teimum, samstundis sum eldrøkið verður latið kommununum at umsita.</div><div><br></div><div><br></div><div><br></div><div><br></div>
