Vænta javnvág á fíggjarætlanini fyri Klaksvík næsta ár

Sambært uppskotinum hjá umsitingini um fíggjarætlan hjá Klaksvíkar kommunu fyri næsta ár, fer kommunan at hava góðar 7,5 mió. kr. í avlopi í 2014.

Tá uppskotið hevði verið í Fíggjarnevndini og vent var tó javnvág í fíggjarætlanini. Sambært Fíggjarnevndini verða inntøkurnar hjá kommununi 157 mió. kr. næsta ár, og raksturin fer at kosta 104 milliónir.

14 milliónir fara til rentur og avdráttir. So eru 39 milliónir eftir. Og tær skulu brúkast til íløgur, sigur Fíggjarnevndin í sínum tilmæli til býráðið.

5,5 mió. kr. í rentustuðli

Rentustuðulin fer at kosta hálva sættu millión, og sáttmálabundnar lønarhækkingar fara at kosta Klaksvíkar kommunu millum 800.000 kr. og eina millión næsta ár. Klaksvíkar kommuna rindar 73 mió. kr. í lønum um árið.

Sambært fíggjarætlanini hjá Klaksvík fyri í ár, verður hallið 16,4 milliónir. Íløgurnar hjá kommununi eru óvanligar stórar í ár, 55,8 milliónir.