Hóndbóltskappingin í vanda

Tað stendur illa til við dómaramanning, nú hondbóltskappingina skal byrja komandi vikuskiftið. Fimm dystir eru á skránni, men bara eitt dómarapar er tøkt at døma.

Nógvir dómarar eru givnir, onkur er skaddur, og samstundis hevur eingin tilgongd verið.

Sostatt er føroyskur hondbóltur í kreppu í løtuni. Kristian Johansen, formaður í Hondbóltssambandinum sigur, at um fleiri dómarapør ikki bjóða seg fram, kann avleiðingin blíva, at eingin hondbóltskapping verður í ár.

- Um feløgini ikki finna dómarar, er størsta avleiðingin, at tað ikki verður nøkur kapping, segði Kristian Johansen við tíðindini á døgurða.

Klokkan 17.00 í dag fer Hondbóltssambandið at hava fund um støðuna.

Meira verður í 3-2 í kvøld.