Rentustuðulin og rentuskatturin fylgjast ikki longur

Rentustuðulin og rentuskatturin fara ikki at fygljast eftir nýggjár.

Seinastu árini hava rentustuðulin og skatturin av kapitalvinningi lækkað sama prosentstig um árið. Teir eru 36 prosent í ár.

Men á nýggjárinum lækkar rentustuðulin. Og hann heldur fram at lækka niður í 30 prosent í 2018.

Men kapitalvinningsskatturin lækkar ikki á nýggjárinum, sigur Jørgen Niclasen, landsstýrismaður í fíggjarmálum.

Hann verður tann sami, 36 prosent. Fíggjarmálaráðið hevur sent lógaruppskot til hoyringar um at lækka rentustuðulin.