Norrøna fer helst at sigla fyri Smyril

Alt bendir á, at Norrøna fer at avloysa Smyril, tá hann fer í dokk í januar at skifta motor.

Conrad Gaard Joensen, rakstrarstjóri á Strandferðsluni, sigur við in.fo, at samráðingar eru við Smyril Line um at leiga Norrønu. Alt talar fyri, at Smyril Line og Strandferðslan fara at semjast um ein leigusáttmála fyri Norrønu, men enn eru samráðingarnar ikki lidnar, sigur hann við in.fo

Gera arbeiðið í Føroyum

Arbeiðið at skifta motorin á Smyrli verður gjørt í Føroyum, og tað fer væntandi at taka einar tríggjar vikur.

Av tí at Smyril ikki hevur fulla motororku í løtuni, og veturin er í hondum, umhugsar Strandferðslan at broyta ferðaætlanina fyri at leggja upp fyri seinkingum, sum vánaligt veður kann elva til. Men enn er eingin endalig støða tikin um tað, sigur Conrad Gaard Joensen, rakstrarleiðari, við in.fo