Annfinn V. Hansen farin frá sum kanningarstjóri

Annfinn V. Hansen, advokatur, er farin frá sum kanningarstjóri í málinum um Skálafjarðartunnilin.

Í brævi, sum er sent fjølmiðlunum, sigur Annfinn V. Hansen, at hann hevur boðað løgtingsformanninum frá, at hann vil ikki halda fram sum kanningarstjóri, og hevur mælt løgtingsformanninum til at loysa seg frá uppgávuni.. Orsøkin er kjakið um hansara leiklut í málinum.

- Sjálvur meti eg vera gegnigan at viðgera málið. Tó hevur rumblið, sum hevur verið um persón, gjørt, at kanningin neyvan fær nóg stórt trúvirði, skrivar Annfinn V. Hansen í fráboðanini til fjølmiðlarnar.