Sveinur Tróndarson í Vangamyndini

Hann var fyrstur at skriva um tollmálið og Jørgen Niclasen á portal.fo - eitt mál, sum síðani hevur verið nógv umrøtt, og sum hevur fingið Jørgen Niclasen at kæra bæði portal.fo og Kringvarpið. 

Í kvøld er hann gestur í Vangamyndini í Degi og Viku.

Sveinur Tróndarson er útbúgvin bankamaður, hann hevur verið roknskaparleiðari, og eisini hevur hann starvast sum grannskoðari, m.a. á Grannskoðaradeild Landskassans.

Síðani 1998 hevur hann starvast í fjølmiðlunum, m.a. á Sosialinum, Vinnuvitan, Fregnum og Dimmalætting, og nú er hann redaksjónsleiðari á portal.fo.

Vertur í Vangamyndini verður Liljan Weihe.