Ligið í fimm ár: Nú skal trolarin Ros úr Føroyum

<p>Reiðaríið, sum átti Ros, er farið á húsagang. John Kølbæk, fúti, sigur, at ákæruvaldið, sum nú hevur ábyrdina av skipinum, roynir at sleppa av við skipið.</p>

<p>Millum annað hevur verið roynt at fáa fatur á russsiska bankanum, sum hevur veðhald í skipinum, og roynt hevur eisini verið at fáa samband við bústjóran.</p>

<p>Hetta er tó heldur ikki eydnast - møguliga tí trotabúgvið er uppgjørt. Ros varð saman við einum øðrum skipið tikið fyri ólógligan fiskiskap undir Føroyum á sumri 2008.</p>

<p><strong>Kostar fútanum hundraðtalstúsund krónur</strong></p>

<p>Finn Ougaard segði við útvarpið í 2010, at russiski trolarin Ros kostar slakar 10.000 krónur hvønn mánað, trolarin liggur við bryggju í Kollafirði.</p>

<p>Sostatt hevur russiski trolarin kostað fútanum hesi skjótt átta árini, hann hevur ligið við kaj í Kollafirði, fleiri hundraðtúsund krónur.</p>

<p>John Kølbæk, fúti, sigur, at samband hevur verið við russisk embætisfólk, men har var eingin hjálp at fáa. Tí verða aðrir møguleikar nú kannaðir, so skipið kann fáast úr Føroyum.</p>