Lítlar starvslønir darva listarliga frælsið

Oddfríður Marni Rasmussen, rithøvundi og fyrrverandi formaður í Listasambandi Føroya, finst nú at mátanum, nevndin í Mentanargrunni landsins letur starvslønir.

Tær 2,9 milliónir krónurnar, sum vórðu latnar í ár, vórðu alt ov smábýttar og tað fær avleiðingar á listarligu úrtøkuna av játtanini, heldur rithøvundurin.

Eingin trý ára starvsløn latin í ár

Í ár varð eingin trý ára starvsløn latin, og dømi eru um fleiri listafólk, sum hava søkt um eitt ára starvsløn til eina verkætlan, men bara fingið tríggjar mánaðir.

Mátin starvslønirnar verða latnar upp á fær eisini avleiðingar fyri listarligu úrtøkuna av játtanini, og tað er ein gøla, tá játtanin til list frammanunda er so avmarkað, heldur Oddfríður Marni Rasmussen.

Loysnin, sambært Oddfríði Marna Rasmussen, rithøvunda og fyrrverandi formanni í Listasambandi Føroya, at álitið um listastuðul, sum varð gjørt í 2008, verður sett í verk.