Kavaódn ger um seg á Kanariuoyggjunum

<p>Sigur tú Kanariuoyggjarnar, sigur tú eisini vanliga sól,&nbsp;sól og aftur&nbsp;sól. Soleiðis hevur tó ikki verið um vikuskiftið - als ikki, tí kavi og ódnarveður hevur herjað oyggjarnar.</p>

<p>Leygardagin fall hitamátarin niður í 10 kuldastig, kavi legðist kring oyggjarnar og nógvur vindur var eisini, skrivar norski netmiðilin <a href="http://www.canariajournalen.no/Nyheter/Minus-ti-grader-og-full-storm-paa... target="_blank">canariajournalen.no</a></p>

<p>Myndugleikarnir á oyggjasamfelagnum í útsynningshorninum í Spaniu ráddu um vikuskiftið fólki frá at fara út fyri&nbsp;dyr, og vegir vórðu stongdir.</p>

<p><strong>Vindferð upp í 101 km/t</strong></p>

<p>Íbúgvarnir á Kanariuoyggjunum hava kortini ikki bert stríðst við nógvan kava um vikuskiftið. Í gjár, sunnudagin, var eisini nógvur vindur á oyggjunum.</p>

<p>Mesti vindurin varð í gjár í hvirlunum mátaður&nbsp;til 101 km/t í San Bartolomé de Tirajana, ið er sunnarliga á Kanariuoyggjunum.</p>

<p>Trø, skelti og ljóssteyrar eru farin um koll, og onkur hús hava fingið skaða í kavaódnini um vikuskiftið, skrivar canariajournalen.no.</p>