- Tíðindi, mentan og ítróttur
Realurin selt Ednu
![](https://kvf.fo/sites/default/files/styles/grein-ovasta-mynd/public/d4161f855f2078f4583b912c61497c95.png?itok=Z6GQxlkJ)
Eitt partafelag undir stovnan, sum Thor í Hósvík varðar av, keypir skipið frá Realinum.
Partarnir eru samdir um ikki at upplýsa prísin, sigur Leivur Michelsen, stjóri í Realinum.
Skipið skal klassast og onkrar ábøtur skulu eisini gerast, áðrenn Edna fer aftur í vinnu.
Edna, sum er smíðað á Skála í 1984, hevur veiðiloyvi. Í løtuni hevur skipið tó einki fiskiloyvi, tí tað hevur ligið síðani fyrst í september í fjør.
Á tvingsilsuppboðnum í Fútarættinum boðaði advokaturin hjá Eik frá, at hann hevði júst biðið Skiftirættin koyra gamla reiðaríið hjá Ednu, smápartafelagið Undir Vørðuni í Havn, á húsagang.
Eik var við til at fíggja Ednu og átti nakrar milliónir til góðar, tá trolarin fór undir hamaran.
Realurin hevði fyrsta veðrætt í Ednu, slakar sjey milliónir krónur.