Vónin mennir nýtt rækjutrol saman við kanadiarum

Trolvirkið Vónin, Royal Greenland og Marine Institute í Kanada eru farin saman um eina menningarverkætlan. Nora hevur stuðlað ætlanini við 300.000 krónum.

Endamálið er menna eitt nýtt rækjutrol, sum ger minni umhvørvissligan skaða og minkar um oljunýtsluna hjá skipunum, sum trola eftir rækjum. 

- Oljan er sera dýr, so málið er at gera eitt trol, ið minkar um oljunýtsluna, og samstundis bøtir um fiskiskapin og at skilja hjáveiðina, sigur Kristian Zachariassen, granskingar- og menningarstjóri hjá Vónini, við grønlendska kringvarpið.