- Tíðindi, mentan og ítróttur
Obama stúrin um støðuna á Krim
Obama stúrin um støðuna á Krim
Amerikanski forsetin er óttafullur um støðuna í Ukraina, eftir at væl mannaðar russiskar herdeildir eru komnar í land í Krim-landslutinum
01.03.2014 - 09:33
Amerikanski forsetin sigur avgjørdur, at russiska virksemið er brot á altjóða lóg og eisini brot á skyldurnar, Russland hevur mótvegis Ukraina.
Barack Obama hevur áður sagt, at hann hevur stórt álit á fyribilsstjórnini í Ukraina.
Nú hevur leiðarin fyri Krim-landslutin biðið russiska forsetan Vladimir Putin um hjálp. Svarið úr Moskva er, at russiska stjórnin fer at viðgera umbønina.
Ukrainski verjumálaráðharrin sigur, at Russland hevur sent 6000 hermenn til Ukraina. Samstundis segði hann, at ukrainski herurin er til reiðar at verja landið, skrivar Reuters.
Er kopiera
Nýggjastu sendingar í ÚV
Nýggjastu sendingar í SV
