Ågot flotað

Tryggingin, Klassin og eigararnir skulu nú fáa greiðu á, hvat skal gerast við skipið, sum fekk stóran skaða, tá uppsjóvarskipið Slættaberg rendi inn í síðuna á Ågot í farnu viku.

Samstundis hevur reiðaríið gjørt avtalu við garnaskipið, Oknina, um at draga gørnini hjá Ågot.

Ætlanin er, at Oknin skal draga gørnini á tveimum túrum, so útgerðin fæst til lands.

Ågot hevur um 1300 gørn standandi norðanfyri.