Kanna happing

Umsitingin í Mentamálaráðnum fyrireikar í løtuni kanningina, men enn er hvørki støða tikin til, hvør skal gera kanningina, nær hon skal byrja og vera liðug.

Tað sigur Bjørn Kalsø, landsstýrismaðurin, á heimasíðuni hjá lærarafelagnum. 

Ætlanin er, at kanningin skal kunna samanberast við kanningina í 2007. 

- Spurningurin um happing eigur at verða tikin í størsta álvara, tí er hetta eitt øki vit politiskt eiga at raðfesta og loysa í felag, og at finna neyðug amboð og fígging í arbeiðinum at steðga happingini, sigur Bjørn Kalsø við heimasíðuna hjá Lærarafelagnum.