Talið á deyðum í New York størri enn hildið

Talið á deyðum eftir eina gassspreinging í New York mikudagin heldur fram at vaksa. Fyrst ljóðaði, at tvey fólk høvdu latið lív, men talið er størri.

Amerikansku myndugleikarnir siga nú, at talið á deyðum fyribils er komið uppá sjey og at talið á særdum er komið uppá 74.

SÍ EISINI Bygningar í New York rapaðir eftir spreinging

Spreingingin hendi mikumorgunin, amerikanska tíð, og varð elvd av einum gassleka, sigur Bill de Blasio, borgarstjóri í New York.

Barn og kvinna illa løstað

Millum tey illa særdu eftir gasspreingina í New York mikudagin, eru eitt barn og ein kvinna, skrivar netmiðilin NBC News.

Spreingingin, ið fekk tveir bygningar at rapa, var so hørð, at hon mátaði beint undir fimm á Richter-stiganum sambært Columbia University.

Íbúgvar í økinum á Manhattan høvdu gjørt vart við gasslukt áðrenn spreingingin hendi mikudagin, men tá var ov seint at fyribyrgja spreingina.

Sambært NBC New York, eru níggju fólk framvegis ikki komin afturíaftur eftir spreingina mikudagin.