Hallið á fíggjarlógini skal vera burtur í 2016

<p>Landsstýrismaðurin hevur fyrr sagt, at tað verður trupult at fáa hallið á fíggjarlógini burtur í 2016. Millum annað tí ávirkanin av skattaskipanini hevur ikki verið tann, sum roknað varð við.</p>

<p>Men í játtanarkarminum fyri næsta ár skulu leggjast upp fyri, at hallið verður burtur í 2016. Landsstýrismaðurin vil einki siga um, hvørji uppskot eru til viðgerðar til tess at røkka málinum, men talan verður um bæði sparingar og nýggjar inntøkur.</p>

<p>- Samráðingarnar um játtanarkarmarnar eru strævnar, tí avbjóðingin er stór. Men eg havi góðar vónir um at røkka einari semju, so hallið verður burtur í 2016, sigur Jørgen Niclasen við útvarpið.</p>

<p>Í fjør fýltist landsstýrismálanevndin á, at fíggjarkarmarnir samsvaraðu ikki við sjálvt fíggjarlógaruppskotið og gjørdi greitt, at tað skal koma í rættlag.</p>